Lidhu me sukses!

17 këshilla se si duhet t’i çasemi një klienti

Call Center, Këshilla
Q

ë të kesh një kompani të suksseshme, është klienti ai që të jep këtë emër. Nëse klienti të kërkon ndihmë pranoje atë dhe mundohuni të jeni sa më të afërt me të duke pohuar dhe mirëkuptuar. Suksesi juaj tregon suksesin e kompanisë suaj andaj puno shumë që të korrësh sukses!

1. Mirësjellja

Është një prej bazave të produktivitetit në punën me klient. Çasja jonë sa më e mirë dhe me fjalë sa më miqësore na bënë të jemi “agjent i mirë”. Përshëndetje klientit dhe urimi i një dite të suksesshme, jo vetëm lë një përshtypje tek klienti por njëkohësisht e m’vesh petkun e profesionalizmit tek agjenti dhe kompania.

2. Tonaliteti

Varësisht nga situata edhe tonaliteti duhet të dalloj. Në raste kur shesim produktin duhet të tingëllojmë sa më të vendosur, me vetëbesim dhe të entuziasmuar në mënyrë që të përçojmë energji pozitive tek klienti. Kur klienti kërkon ndihmë dhe gjendemi në pozitë të pa lakmueshme, duhet të mundohemi të gjejmë fjalët e duhura dhe ta bëjmë klientin të nënkuptoj se ne i kemi përgjigjjet e duhura. Gjithmonë duke e mbajtur disponimin e klientit në nivel.

3. Qëndrimi

Qëndrimi fizik gjatë komunikimit me klientë është i rëndsishëm për të përçuar sigurinë tek klienti sepse ngjyra e zërit tonë ndryshon sipas qëndrimit tuaj. Po ashtu, suksesi juaj në zgjidhjen e çështjes për të cilën ka telefonuar thirrësi ngritet.

4. Koha

Nëse dëshironi të jeni agjent i mirë tek klienti duhet të menaxhojmë kohën në mënyrë sa më efikase ashtu që edhe klienti në fund të ndahet i kënaqur me punën tonë dhe të ndihet se ka kryer punë për një kohë të shkurtër.

5. Profesionalizmi dhe ekspertiza

Në raste kur klienti është jo bashkëpunues atëherë është mirë të provojmë një çasje ndryshe duke përdorur kreativitetin dhe imagjinatën. Do të ishte mirë që nëse duam të dukemi sa më profesionist të paktën të praktikojm në shtëpi çdo herë që të dukemi sa më natyrale.

6. Puna kreative

Ndodhë që shpesh herë të gjendemi në situata të pa lakmueshme mirëpo duhet të përdorim energjinë tonë në bashkëpunim me kreativitetin në mënyrë që klienti të marr përgjigjjen e duhur.

7. Dëgjueshmëria si

Në faktë dëgjimi është aftësia më e rendësishme që një agjent duhet të posedoj. Më të vërtetë na duket diçka e thjeshtë mirëpo në zbatim është shumë e vlefshme. Sipas studimeve shkencore, në një minutë njeriu mund të bëjë një bisedë me rreth 50-270 fjalë. Ndërsa brenda një minuti njëriu mund të kuptoj 250-700 fjalë. Kjo do të thotë se duhet të kemi shumë kujdes dhe të dëgjojmë gjithçka që thotë klienti në mënyrë që të kuptojmë kërkesën e tij.

8. Niveli i bisedës

Asnjëherë nuk duhet të dëshprohemi sepse ka raste kur jo të gjithë klientat janë të njejtë me sjellje apo disponim. Është e rëndësishme të jeni në gjendje të qëndroni të qetë dhe të gjeni forcën për të qenë gjithmonë i sjellshëm dhe miqësor. Reputacioni i kompanisë në të cilën punoni varet nga ajo.

9. Mos insistoni

Kur ofroni shërbimin tuaj asnjëherë mos u bëni të bezdisshëm. Është mirë që t’ua prezantojmë sa më mirë klientave shërbimin mirëpo nuk ka nevojë të ushtrojmë presion mbi blerësin apo klientin. Klienti nuk duhet të ndihet i imponuar.

10. Klienti nuk duhet të pres

Pritja është e mërzitshme për të gjithë. Prandaj është e rëndësishme të siguroheni se shërbimi juaj ndaj klientit është ndërtuar në mënyrë të tillë që të ketë sa më pak njerëz në pritje. Nëse ka ndonjë person në pritje, ju duhet të tregoni kujdes maksimal për ta. Së pari ju duhet t’i kërkoni falje personit në pritje dhe të specifikoni se në çfarë kohe do të shërbehet. Shpesh kjo është e rëndësishme sepse ndoshta në këtë kohë ai person do të jetë në gjendje të kryej punë tjera.

11. Kontaktoni klientin në emër

Në momentin që i drejtohemi klientit me “Përshëndetje Zonjë/Zotëri” krijohet një atmosferë më e rehatshme dhe e besueshme ku rëndësia e klientit për ju është e theksuar.

12. Korrigjim i menjëhershëm

Kur bëhet ndonjë gabim, klienti pret që të rregullohet menjëherë. Klientët nuk duan shpjegime të gjata dhe justifikime pse ndodhi gabimi. Ajo që duan është të pranosh gabimin, të kërkosh ndjesë, dhe të zgjidhësh problemin.

13. “Klienti gjithmonë ka të drejtë”

Mendoni gjithmonë shprehjen “klienti gjithmonë ka të drejtë”. Kjo nuk do të thotë se, objektivisht, kërkesa e klientit është e vërtetë dhe e saktë. Mirëpo mundohuni që të ndihmoni dhe duke e menaxhuar komunikimin në mënyrë pozitive, klientit t’i sjellni kënaqësi.

14. Besueshmëria

Që klienti të ndihet i sigurt me ju është më së miri t’i thuani “Le të gjejmë një zgjedhje së bashku”. Duke i thënë klientit “ne” atëherë klienti fiton besimin tuaj dhe bindet që po duam ti ndihmojmë.

15. Klientët e vështirë

Klientët e vështirë duhet të shikohen si mundësi. Mos harroni se klientët e kënaqur e shohin kompaninë tuaj sikur është në kohën e lulëzimit por një klient i pakënaqur me siguri të plotë do të flasë me të tjerët për eksperiencën e keqe që ka pasur me kompaninë tuaj. Kjo do të thotë më pak të ardhura për biznesin. Mundohuni sa më shumë që ta mbani nën kontroll bisedën në mënyrë që të dy palët të ndahen të kënaqura.

16. Ankesat e klienteve

Ankesat e klientëve nuk duhet të merren si personale. Kujtoni se asgjë nga ato që ndodhin nuk kanë lidhje me ju si person. Ankesat e klientëve nuk duhen marrë kurrë si ofendime personale, dhe gjithmonë duhet të qëndrojmë nën kontroll nga ana jonë. Suksesi juaj varet nga aftësia juaj të mos merrni personalisht ofendimet e klientëve.

17. Fjala e fundit

Mundohuni që biseda të përfundoj në mënyrën më të mirë. Për ta bërë këtë, në fund të komunikimit mjafton të përdoren frazat: “Faleminderit për interesimin, ju mirëpresim!”, “Faleminderit për kohën tuaj!”, “Kalofshi një ditë të mirë!”. Fjala përshëndetëse është kapaku i një bisede të suksesshme.

Shkruan: Amnihena Ibrahimi dhe Rina Zariqi

Komento

Email adresa juaj nuk do të publikohet. Fushat e domosdoshme kanë shenjën *

Opsionet e Privatësisë
Kur vizitoni webfaqen e Alba Connect, ne mbledhim disa informata rreth kompjuterit dhe browserit tuaj. Në browserin tuaj keni mundësinë të kufizoni, bllokoni apo fshini cookies që përdor webfaqja jonë. Po ashtu, webfaqja e Alba Connect shfaqë përmbajtje dhe skripta të palëve të treta që mund të përdorin teknologji përcjellëse (tracking). Mund të zgjedhni më poshtë se cilat nga këto shërbime të palëve të treta të lejoni gjatë vizitës suaj në Alba Connect. Për informata të hollësishme rreth metodës së mbledhjes, procesimit dhe përdorimit të informatave tuaja në Alba Connect, ju lutemi lexoni Politikat e Privatësisë.
Youtube
Jepni pëlqimin tuaj për të shfaqur përmbajtje nga Youtube
Vimeo
Jepni pëlqimin tuaj për të shfaqur përmbajtje nga Vimeo
Google Maps
Jepni pëlqimin tuaj për të shfaqur përmbajtje nga Google
Spotify
Jepni pëlqimin tuaj për të shfaqur përmbajtje nga Spotify
Sound Cloud
Jepni pëlqimin tuaj për të shfaqur përmbajtje nga Sound
Lidhu me sukses!